Всоботу пред Руским домом було „Придаванє хлєба”

автор апм
822 Опатрене

КОЦУР – Други дзень „Коцурскей жатви” всоботу, 14. юлия, почал зоз традицийним придаваньом хлєба зоз тогорочного жита на площи опрез Руского дома и Дома култури.

Госцол привитал предсидатель Орґанизацийного одбору „Коцурскей жатви” и предсидатель КУД „Жатва” Микола Шанта, хтори з тей нагоди здогаднул же тота манифестация постої на славу тих роботох, продукциї жита и хлєба, хтори тирваю тисячами роки назадок.

На тот завод хлєб прияли заменїца предсидателько Скупштини општини Вербас и директорка НВУ „Руске слово” Мартица Тамаш и член Орґанизацийного одбору манифестациї и Управного одбору „Жатви” и найстарши член-аматер Микола Медо Ґубаш.

После придаваня хлєба на площи наступели три дзецински ґрупи, односно ансамбли – „Завичайне врело” з Коцура, „Жатва” з Коцура и КПД „Карпати” з Вербасу.

Вецей фотоґрафиї зоз тей манифестациї обявени на нашим сайту у фотоґалериї.

ПОВЯЗАНИ ТЕКСТИ