КУЛА – Свой традицийни Новорочни концерт вчера вечар отримала и Школа за основне музичне образованє (ШОМО) у преполней Концертней сали Школи.
Школярох-учашнїкох и публику привитала директорка Лїляна Барна Никитович, а школяре наступели зоз своїма точками хтори вежбали на своїх инструментох.
На Концерту наступели и седмеро школяре зоз оддзелєня Школи у Руским Керестуре. Так наступел трио гармоникох Емина Бики, Клара Катрина и Стефан Колошняї зоз своїм наставнїком Мироном Сивчом, на клавире Гелена Новта тиж у його класи, а на тамбурох Виктор Хрин, Матей Катрина и Иґор Папуґа хтори у класи наставнїци Гелени Гарвильчак.