БЕОҐРАД – Помоцнїца министра туризму Рената Пинджо початком тижня виявела же з вєдно 60 000 ваучерох за домашнї туризем у тим року, за нїх уж приявени вецей як 16 350 заинтересовани, цо два раз вецей як прешлого року.
Пинджо за РТС гварела же ше за ваучери найвецей интересую пензионере, як и же ше од початку рока, заключно з 20. марцом, приявели вецей як 16 350 гражданє за ваучери и 572 погосцителє.
То треци рок як держава на таки способ субвенционує домашнї туризем, а того року плановане видац 14 000 ваучери вецей як прешлого року.