ЖАБЕЛЬ – Општина Жабель и того року будзе реґресовац драгово трошки школяром у школским 2026/2027. року, котри путую кажди дзень з места биваня по образовну установу. Єдно з условийох и же би школярови место пребуваня було на териториї општини найменєй два роки.
Право на реґресованє трошкох превоженя школярох мож витвориц зоз подношеньом вимоги на початку школского рока до 5. септембер.
О шицких условийох о витворйованю права на реґресованє драгових трошкох за превоженє школярох мож ше вецей поинформовац на урядовим сайту Општини Жабель, дзе мож превжац и формулар вимоги за реґрес, хтори мож превжац и у Шалтер сали Општинскей управи Жабель, (Николи Тесли 45, Жабељ).
Пополнєти формулар зоз одвитуюцу документацию подноши ше Оддзелєню за общу управу и дружтвену дїялносци у Шалтер сали Општинскей управи Жабель.