ДЮРДЬОВ – У дюрдьовскей парохиї Рождества Пресвятей Богородици стреду, 19. авґуста означене швето Преображенє Господнє.
Велька Служба Божа була на 8 годзин, а служел ю о. Борис Холошняй.
У казанї на Велькей Служби Божей священїк потолковал значенє швета кед ше Исус преображел пред трома апостолами на гори.
На концу Служби окончени и обряд пошвецаня овоци, котру до церкви принєсли ґаздинї.
