ШИД – На швето Преображеня Господнього вчера, 19. авґуста церква означела храмове швето Кирбай.
Архиєрейску Службу Божу предводзел преосвящени владика Георгий Джуджар, а сослужовали ище осемцме паноцове.
У казанї преосвящени владика визначел значносц швета Преображеня Господнього и здогаднул кед ше Исус на гори Тавор преображел пред апостолами, кед його твар и шмати заблїсли.
Владика медзи иншим поручел же ше и кажди вирни треба преображиц, а то годно през молитву и виру до Исуса Христа и повинчовал щешлїви и благословени Кирбай.
По традициї на концу Слуби Божей шлїдзел обряд пошвецаня грозна и овоци хтору пошвецел преосвящени владика през молитву вєдно з паноцами.
На богослуженю окрем домашнїх вирних було и госцох зоз других наших местох, а домашнї парох о. Михайло Режак подзековал владикови же возвелїчал швето як и шицким паноцом, панїматком, часним шестром и госцом хтори возвелїчали Кирбай.
