ДЮРДЬОВ – Дзеци з Предшколскей установи „Дюрдьєвак” з Дюрдьова вчера, 10. марца, у месним Задружним доме отримали представу, на хторей старша ґрупа виведла „Свадзба и обичаї”, мишана ґрупа по руски виведла представу „Под печарку”.
Старши дзеци приказали свадзебни народни обичайох Сербох и Руснацох на обидвох язикох, а були поприберани и до свадзевних вишиваних ручнїкох, а хлапци мали и калапи з квецом. Пририхтали их воспитачки Весна Ґолуб и Миряна Перович, а у пририхтованю руских свадзебних обичайох помогла им Дюрдьовчанка Маґдалена Надь.
Представу „Под печарку” з дзецми у мишаней ґрупи пририхтала воспитачка Оля Балїнт.
По законченей програми шицки дзеци ше, у свадзебней колони, ппрешпацирали по будинок Предшколскей установи.
