До конца марца конкурс за финансованє спортских орґанизацийох и клубох

автор зам
733 Опатрене

КУЛА – Предсидатель Општини Кула 23. марца розписал Явну повоиланку за финансованє рочних програмох спортских орґанизацийох у 2017. року, а конкурс тирва по 31. марец.

Спортски орґанизациї и клуби можу конкуровац за доставанє средствох за финансованє участвованя на порядних першенствених и куп-змаганьох (за трошки хтори змаганя подрозумюю), а мож конкуровац и за школски спорт и активносци спортистох-инвалидох.

У буджету Општини Кула за финансованє спорту опредзелєни вєдно 13 милиони динари, дзе 11 милиони 950 000 за програми спортских орґанизацийох, за школски спорт 850 000, а за активносци спортистох-инвалидох 200 000 динари.

Явна поволанка и формулар за прияву у цалосци обявена на сайту Општини Кула – www.kula.rs.

ПОВЯЗАНИ ТЕКСТИ