Дружтво за руски язик нєшка отрима два схадзки

автор ядю
654 Опатрене

НОВИ САД – У просторийох Заводу за културу войводянских Руснацох нєшка буду отримани два схадзки Дружтва за руски язик, литературу и културу.

З початком на 10,30 годзин будзе отримана 18. схадзка Управного одбору (УО), на хторей буду розпатрани вецей точки дньового шора, а буду представени и нови виданя Дружтва.

Нєпоштредно после схадзки УО, на 12 годзин, будзе отримана виберанкова Скупштина Дружтва, на хторей буду вибрани предсидатель Скупштини, УО, секретар и заменїк секретара Дружтва.

После схадзкох буду представени нови виданя Дружтва за руски язик, литературу и културу, у рамикох манифестациї Днї Миколи М. Кочиша. Попри тим, очекує ше и розписованє Литературно-подобового конкурса за дзеци, школярох и студентох руского язика и литератури под назву „Литературна творчосц Миколи М. Кочиша”. Конкурс будзе тирвац од децембра по фебруар 2019. року.

Дружтво планує промоцию виданьох и у Вербаше, Новим Орахове и на Сайме кнїжкох у Новим Садзе.

ПОВЯЗАНИ ТЕКСТИ