ЗРЕНЯНИН/КУЛА – На 61. Републичним фестивалє музичних и балетских школох Сербиї, хтори того року од 8. по 13. май отримани у Зренянину, екипа солистох Школи за основне музичне образованє (ШОМО) з Кули освоєла другу награду.
За ШОМО наступали солисти Михайло Рацпети на клавиру и Матей Катрина на басприму з рускокерестурского Оддзелєня ШОМО, а з Кули Лїляна Кнежевич на гармоники и Марко Алексич на тамбури, од хторих перши тройо поєдинєчно освоєли други награди, а Алексич трецу.
Михайло Рацпети у класи Мирона Сивча, Матей Катрина у класи Хелени Гарвильчак, Лїляна Кнежевич у класи Тамари Лукач, а Марко Алексич у класи Владимира Медєша. Клавирска сотруднїца змагательом була професорка у ШОМО Ева Епер.
Потримовка школяром були и резервни члени екипи Виктор Хрин и Мартина Дер, наставнїца Марта Ґоґа, як и директорка ШОМО Лїляна Барна Никитович.
