РУСКИ КЕРЕСТУР/НОВИ САД – Штредньошколци Школи „Петро Кузмяк” з Руского Керестура штварток, 2. марца, орґанизовано були у Новим Садзе на проєкциї филму „Santa Maria della Salute” режисера Здравка Шотри.
Проєкция була специялно за керстурских школярох у биоскопу Тарґовищного центру „Биґ”, а одход орґанизовала професорка руского язика у керестурскей Ґимназиї Люпка Малацко. По єй словох, патренє филму орґанизоване понеже по наставней програми школяре нєдавно обрабяли тоту познату писню Лази Костича, з чиїм насловом зняти и филм о його живоце.
У Новим Садзе були 25-еро школяре, даскельо професоре и директорка Школи Хелана Пашо Павлович.