НОВИ САД – Подпредсидатель Покраїнскей Влади Дьордє Миличевич уручел вчера на Польопривредним сайме контракти польопривреднїком зоз Войводини котри достали средства за софинансованє купованя пластенїкох и купованє процивкаменцовей опреми.
Уручени вкупно 88 контракти по тих двох конкурсних линийох Покраїнского секретарияту за польопривреду, а котри вредни 94 милиони динари.
За купованє процивкаменцових мрежох того року опредзелєни вкупно 120 милиони динари, а за пластенїки 60 милиони динари.
То безповратни средства котри додзелює Покраїнска влада, а найлєпши су доказ же ше вона так стара о аґрару и польопривредних продуковательох, насампредз малих и стреднїх, визначел Миличевич.