ВЕРБАС – Локални виберанки за одборнїкох до Скупштини општини Вербас буду 23. априла, а дотераз потвердзени лїстини кандидатох пейц политичних странкох – Сербскей напредней странки (СНС), Социялистичней партиї Сербиї (СПС), Сербскей радикалней странки (СРС), Руху социялистох (РС) и Коалициї „Ошлєбодзме Вербас” (Демократска странка, Социялдемократска странка и Лиґа социялдемократох Войводини).
Главни кандидати за предсидателя Општини Вербас и перши кандидати на спомнутих лїстинох то Милан Ґлушац (СНС), Маряна Мараш (СПС), Боян Маркович (СРС), др Милутин Мркша (РС) и Драґан Стєпович, спред Коалициї.
Лїстини кандидатох мож придац по 7. април до пол ноци, а збирна лїстина кандидатох за одборнїкох будзе утвердзена по 12. април, кеди будзе обявена и у „Службеним глашнїку Општини Вербас“.