КОЦУР – Внєдзелю, 29. априла, „Искра” на домашнїм терену дочекала екипу „Нєґош” зоз Ловченцу и страцела зоз резултатом 1:0.
„Искра” нє победзела на остатнїх штирох змаганьох, зоз котрих од можлївих 12 освоєла лєм єден бод, та єй тераз и треце место котре обезпечує бараж за уход до Войводянскей лиґи под знаком питаня. „Искра” треца на таблїчки зоз 44 освоєнима бодами кельо ма и штвартопласовани ОФК „Вербас”.
У шлїдуюцим колу, на нєдзелю, „Искра” будзе госцовац у Горґошу дзе ю дочека остатнєпласована екипа „Горґош 1911”.