РУСКИ КЕРЕСТУР – У Основней школи „Петро Кузмяк” ище нєшка тирва упис дзецох до першей класи за школски 2017/18. рок, а вчера, перши дзень упису, до школи уписани 14-еро дзеци, народзени од 1. марца 2010. по 28. фебруар 2011. року.
До першей класи ОШ би ше мали уписац 26-еро дзеци котри закончую Предшколску пририхтуюцу програму у керестурским Оддзелєню дзецинскей заградки „Цицибан” ПУ „Бамби” з Кули.
Упис у будинку Школи од 8 до13 годзин.