КОЦУР – На тогорочней манифестациї „Коцурска жатва” и друга провадзаца програма отримана у Етно клубу „Одняте од забуца”, у його дворе, дзе старши и младши члени КУД „Жатва” през драмску сличку приказали перформанс на тему приселєня Руснацох зоз старого краю на тоти простори.
Перформанс испировани зоз поему „Рок 1744. Гук зоз Горнїци” Михала Рамача, писателя котрому бул и пошвацени тот Литературни вечар.
Окрем драмскей слички, були пречитани и твори спомнутого писателя, а публики их пречитали Мария Горняк, Микола Шанта, як и сам автор, Михал Рамач.
Предсидатель „Жатви” Микола Шанта присутних упознал зоз животом и дїлом Михала Рамача, а на концу Литературного вечара Марко Буила и Дарина Михняк виведли и єдну музичну точку.
Вецей фотоґрафиї зоз тей манифестациї обявени на нашим сайту у фотоґалериї.