И на малюнкох приказани вишивки

автор сас
1.2k Опатрене

ДЮРДЬОВ – После вистави Стари ремесла, а у рамикох 16. Фестивала жридлового шпиваня „Най ше нє забудзе”, всоботу на 17 годзин у Рускей школи у Дюрдьове отворена вистава предметох зоз каталоґу Руска одлога.

Виставу отворел Мирослав Чакан, предсидатель Скупштини домашнього дружтва, котри шицким присутним потолковал на котри способ повязани виложени експонати и малюнки на мурох – виложени партки и заглавчки з розличнима мустрами намальовал Мита Пушкаров з Дюрдьова, а на кроснох руски парток у виробку. Поставку помогла пририхтац Любица Отич з Дюрдьова, музейска совитнїца у Музею Войводини.

Нащивителє мали нагоду поопатрац и стаємну виставу у Рускей школи у шицких просторийох, ушорене руске обисце, виставу старих предметох, руского народного облєчива, фотоґрафийох и писанкох.

Вецей фотоґрафиї можеце поопатрац у нашей фотоґалериї.

ПОВЯЗАНИ ТЕКСТИ