РУСКИ КЕРЕСТУР – Млади каратисти рускокерестурского „Русину” вчера, 12. марца, участвовали на Пeршенстве Войводини Шотокан карате федерациї за младши катеґориї, хторе отримане у Савиним Селу.
Як за Рутенпрес гварел тренер керестурских каратистох Михал Орос, на змаганю участвовали коло 200 змагателє з коло 20 клубох, а медзи нїма и пецеро з „Русину”.
У катеґориї пионирох Ґлориян Штранґар освоєл друге место у борбох и треце место у катох, а у тей катеґориї ше змагал и Борис Жирош.
У катеґориї когуцикох поєдинєчно у катох ше змагали Иван Медєши, Иґор Фейди и Мирко Малацко, а як екипа у презентациї катох исти змагателє вошли медзи шейсц найлєпши екипи на Першенстве.