КУЛА – Општина Кула вчера розписала Явни конкурс за финансованє и софинансованє проєктох у култури у 2018. року, творчосц, продукцию и интерпретацию з обласцох музичней културней дїялносци, театралней дїялносци и уметнїцких танцох – класични балет, народни танци и сучасни танци, котри тирва 30 днї.
Финасованє проєктох у култури облапя трошки орґанизациї манифестацийох, континуовани активносци, госцованя у других штредкох и подобне. За музичну културну дїялносц опредзелєни 600 000 динари, за театралну милион 200 тисячи, а за уметнїцки танци 2 милиони 200 тисячи динари.
Цали текст и прияву на конкурс мож опатриц на сайту Општини Кула www.kula.rs.