ШИД – Амбасадор Кральовини Норвежскей у Беоґрадзе Арне Санес Бйорнстад и Микела Телатин, шефица Канцелариї Зєдинєних нацийох, за проєктни услуги (УНОПС) подписали вчера у Шидзе контракт о витвореню проєкту под назву „Норвежска са Вас-Сербия”.
У Сербиї за витворенє проєктох обезпечене вкупно коло 4 милиони евра, а єдну часц достанє и Општина Шид.
На подписованє контракту пришол и Зоран Дьордєвич, министер за роботу, занятосц, борецки и социялни питаня у Влади Републики Сербиї, а спомнуте Министерство партнер у витвореню проєктох.
Як гварене, Кральовина Норвежска помага менєй розвитим штредком односно општином як цо то Шид, хтори од самого початку миґрантскей кризи прилапел и значне число миґрантох, же би були витворени лєпши условия за живот.
После подписованя контракту визначни госци обишли будинок ОШ „Сримски фронт” Подручней школи у Моловину, чию обнову зоз 11,5 милиони динарами финансує Кральовина Норвежска.
