НОВИ САД – У новосадскей парохиї св. апостолох Петра и Павла внєдзелю преславена Велька ноц.
–Церква слави найвекше швето – воскресенє Господа нашого Исуса Христа. Пасха то преход израїлского народу зоз рабства до обецаней жеми. У Новим завиту, Пасха то преход зоз жеми до нєба, бо Христос станул зоз гроба на нови и вични живот – гварел апостолски еґзарх за грекокатолїкох у Сербиї кир Георгий Джуджар на Перши дзень Велькей ноци на Архиєрейскей Служби Божей у Новим Садзе у полней церкви, у хторей сослужел парох о. Юлиян Рац.
После Служби владика пошвецел вельочислени кошарки з пасхалним єдзеньом.
Владика у Новим Садзе предводзел и Вечурню Исусового хованя и Воскресну утриню у присустве велїх вирних.