РУСКИ КЕРЕСТУР – Представа „Родолюбци”, котру на Драмским мемориялу Петра Ризнича Дядї на соботу, 24. марца, требали одбавиц ґлумци Културного центру Кула, пре обєктивни причини у тим ґлумецким ансамблу одказана. Мемориял будзе заварти зоз представу „Дора” Маґдалени Фридрих Ґреґоровей у режиї Бранка Вучетича, а одбавя ю аматере Камерней сцени „Мирослав Антич” зоз Сенти.
Тото театралне дїло виведу искусни ґлумци у составе – Изабела Шантич, Ґордана Николич, Владимир Циґанович, Радован Зубац и Бранислав Унґинович. Слово о драмским дїлу у котрим буду розробени цикави питаня нєзадовольного чловека.
По конєц 50. Мемориялну у Руским Керестуре попри тей, буду одбавени ище два представи. Ютре 23. марца на 11,30 годзин будзе дзецинска „Цифровани яблука” Ивани Деспотович з котру наступи Драмски студио „Арт” з Руского Керестура, у режиї Ксениї Бодянец, а вечар на 19,30 годзин патраче годни провадзиц дїло котре порихтала ґлумецка екипа драмского студия з Нового Саду „Бабушка” за котру текст и режию подписує Звонимир Павлович.