ШИД – Тогорочни дзешати по шоре Фестивал тамбурових оркестрох „Мелодиї Руского двору” будзе отримани наступного викенду, 2. септембра, у Лєтнєй владическей резиденциї у Шидзе.
Того року, окрем тамбурових оркестрох, буду отримани и други провадзаци програми. У Лєтнєй владическей резиденциї вистава малюнкох зоз „Колониї Руски двор 2017” будзе отворена на 16 годзин, у порти од 17 годзин буду поставени и етно-штанди, а музична часц програми почнє на 18 годзин.
Як Рутенпрес дознава од орґанизатора, промоция „Рутенияди”, котра требала буц отримана у рамикох Фестивала, одказана пре технїчни причини.
Орґанизатор, КПД „Дюра Киш”, надпомина же у случаю подлей хвилї, етно-штанди и вечарша музична програма буду отримани у просторийох Словацкого дому „Єднота” у Шидзе.