На Завитни дзень и 15-рочнїца Еґзархату

автор маф
981 Опатрене

РУСКИ КЕРЕСТУР – У парохиї св. оца Миколая по григориянским календаре швето Сошествиє св. Духа – Русадля будзе преславене од 20. по 22. май, а на треци дзень швета традицийни Завитни дзень у Водици. Того дня там будзе шветочно означена и 15-рочнїца снованя нашого Апостолского еґзархату.

Рочнїца будзе означена на Архиєрейскей Служби Божей на 11 годзин, хтору будзе предводзиц наш владика кир Георгий Джуджар з визначнима госцами, од апостолского нунция по велїх владикох, священїкох и вирних, а обчекує ше приход и парохиянох з других наших парохийох.

Вечар пред Завитним дньом, 21. мая, у Водици будзе Служба Божа зоз мированьом на 19 годзин за шицких цо нє можу присц на сам Завитни дзень. Того дня будзе и традицийна Процесия до Водици хтора руши зоз церковней порти на 17 годзин.

ПОВЯЗАНИ ТЕКСТИ