ДЮРДЬОВ – Општинска смотра рецитаторох отримана вчера, 13. марца у Ґалериї општинскей Народней библиотеки „Велько Петрович” у Жаблю. На нєй ше змагали штерацец тройо рецитаторе.
На Зонску смотру ше пласовали дванацецеро школяре, а пецеро з нїх рецитовали по руски и шицки су з Дюрдьова – Иван Молнар, Милица Михальовски и Валентина Салаґ спред Културно-уметнїцкого дружтва „Тарас Шевченко”, як и Кристина Дюранин и Мария Мудри, спред Основней школи „Йован Йованович Змай”.
Рецитаторох оценьовал Миодраґ Петрович, ґлумец Сербского народного театру у Новим Садзе. Рецитаторох з Дюрдьова котри рецитовали спред Дружтва пририхтал ґлумец и режисер Яким Гарди, а спред ОШ учителька Єлена Салаґ и наставнїца руского язика Мария Самарджич.