СЕЧАНЬ – Того викенду, од 21. по 23. април, у Сечню будзе отримана Покраїнска смотра рецитаторох, на хторей участвую и осмеро рецитаторе з наших местох, котри ше змагаю з рецитациями по руски.
Зоз Зонскей смотри рецитаторох, хтора штредком марца отримана у Бачу, на найвисше змаганє у Войводини у младшим возросту з писнями по руски ше пласовали Иван Молнар и Кристина Дюранїн з Дюрдьова и Катарина Накич з Нового Саду.
У штреднїм возросту на Покраїнскей смотри наступя Валентина Новта з Руского Керестура, Катарина Недич з Коцура и Валентина Салаґ з Дюрдьова, а у старшим возросту Мирослав Малацко и Павлина Шепински з Керестура.
Покраїнску смотру рецитаторох орґанизує Союз уметнїцкей творчосци аматерох Войводини, а домашнї Смотри Центер за културу Општини Сечань.