На соботу на Мемориялє премиєра новей представи РНТ

автор сен
890 Опатрене

РУСКИ КЕРЕСТУР – На соботу, 18. марца, Руски народни театер премиєрно одбави свою найновшу представу „Зазбероваче труплох” Звонимира Павловича, а у режиї Михайла Зазуляка и Славка Ороса. Источашнє то будзе и перше виводзенє того Павловичового авторского тексту хтори, на основи документох и з уметнїцку шлєбоду, бешедує о остатнїх дзешец рокох живота др Гавриїла Костельника.

3-RNT-02

У представи ґлумя аж шеснацецеро искусни и младши ґлумци (дзепоєдни и по два улоги), а Гавриїла Костельника толкує наш доказани ґлумец Михайло Варґа.

Премиєра представи нашого националного театру „Зазбероваче труплох” на соботу будзе после шветочносци отвераняю тогорочного 49. Драмского мемориляу Петра Ризнича Дядяї, на 19,30 годзин.

Драмски мемориял будзе од 18. по 26. марец, участвую осем представи, медзи нїма и представа госцох зоз Словацкей, з Михаловцох.

Пред першу представу, у рамикох Мемориялу на соботу на 19 г. у голу Дому култури будзе отворена вистава подобових роботох у енкаустики Сонї Папуґа Андєлич.

ПОВЯЗАНИ ТЕКСТИ