КОЦУР – На ютре, 26. септембра на 10 годзин, у просторийох Каритасу у Коцуре будзе отримана презентация и роботня на тему зменшованє худобства, а у рамикох проєкту „Розвой Каритасу – зменшованє худобства”, котри Каритас Сербиї почал реализовац вєдно зоз владическима Каритасами по шицких владичествох у Републики Сербиї.
Представителє Каритасу поволую шицких заинтересованих же би пришли на презентацию и роботню на котрей будзе бешеди о иснуюцих парохиялних Каритасох и о формованю нових у наших парохийох дзе потераз нє зажили або нє функционую.