РУСКИ КЕРЕСТУР – У рускокерестурскей парохиї св. оца Миколя на ютре Вилїя по григориянским календаре, а напоютре Рождество Христово-Крачун, хтори ше слави три днї, по 27. децембер.
Понеже того року Вилїйови дзень пада на нєдзелю, хтора символ Воскреснуца и прето є нїґда нє посна, Церква у тим случаю препоручує же вирни нє муша посциц дополадня, а вечар отримац традицийну посну вечеру. Тиж так, и Служби Божо дополадня буду тримани по нєдзельовим розпорядку – на 8, 10 и 11,30 годзин, а Дзецинска крачунска споведз почнє од 11 годзин. Вечаршей Служби нє будзе.
На 17 годзин дзвони оглаша початок Вилїйовей вечери, за хтору ше пририхтує тиж традицийни єдла, а потим дзеци и млади з колядованьом родзином и познатим винчую Крачун.
Крачунске Всеночне на Вилїю у Катедралней церкви будзе на 23 годзин, а обчекує ше же го будзе предводзиц наш еґзарх, преосвящени владика Георгий Джуджар.
На перши дзень Крачуна, 25. децембра, богослуженя буду на 8 годзин, на 10 архиєрейска Служба и вечарша на 17 годзин, а на вечар на 18 годзин у Доме култури будзе Крачунски концерт.