РУСКИ КЕРЕСТУР – На ютре, 25. мая, з рижнима цалодньовима програмами у Руским Керестуре будзе означени Дзень Основней и штреднєй школи з домом школярох „Петро Кузмяк”.
На 10 годзин у голу Школи будзе отворени Саям науки з вецей наставних предметох и наукових обласцох, хтори пририхтую школяре зоз своїма наставнїками.
Шветочна музично-танєчна програма будзе у Велькей сали Дому култури на 18 годзин, а по програми будзе отворена и вистава подобових роботох професора у керестурскей Школи Иґора Радовича.
На програму поволани шицки школяре, їх родичи, просвитни роботнїки и вообще Керестурци, а у Школи обчекую и представительох шицких уровньох власци, представительох руских институцийох, руских школох з других местох, як и образовних установох з кулскей општини.