НОВИ САД – За витворйованє права на безплатне пребуванє дзецох у новосадскей Предшколскей установи „Радосне дзецинство” вимогу мож поднєсц од нєшка та по конєц мешаца, 31. авґуста.
Вимогу треба придац у шедзиску Установи, у Улїци Павла Симича ч. 9, кажди роботни дзень од 8 по 14 годзин (стреду до 17 г.).
Право на безплатне предшколске пребуванє маю и дзеци зоз завадзанями у розвою, а вимоги за нїх ше придаваю у Школи „Милан Петрович”.
Тиж, вимогу за финансийну потримовку за период септембер-децембер можу придац и родичи, старателє и хранителє котри витворели право на субвенционованє пребуваня дзецох у приватних дзецинских заградкох. Условиє котре треба сполнїц за доставанє финансийней помоци то же би особа була державян Републики Сербиї, же би мала приявене пребуванє на териториї Нового Саду и же би, придаваюци вимогу, нє мала можлївосц уписац дзецко до Предшколскей установи „Радосне дзецинство”. Вимоги ше придава до Городскей управи за социялну и дзецинску защиту до 30. новембра.