РУСКИ КЕРЕСТУР – У двох пририхтуюцих приятельских змаганьох рускокерестурски „Русин” у дньох викенду зазначел єден нєришени резултат и єдну побиду.
Всоботу, 25. фебруара, „Русин” на своїм Ярашу з екипу „Младосц-радосц” зоз Србобрану бавел нєришено 3:3, а ґоли на тим змаганю за „Русин” посцигли Борис Орос два и єден Неманя Тешович.
Вчера, 26. фебруара, на госцованю у Кули „Русин” победзел домашнї истомени ФК зоз 3:2. Ґоли за „Русин” дали Давид Катона, Ненад Кончар и Иґор Грнчяр.
Остатнє приятельске пририхтуюце змаганє пред початком ярнєй часци першенства „Русин” бави дома на нєдзелю, 5. марца, з ФК „Червинка”. Змаганє почина на 15 годзин.