Нєшка зашеданє Шветовей ради РРЛ

автор зам
974 Опатрене

ДЕВА (РУМУНИЯ) – У румунским городзе Дева нєшка, 4. марца, будзе порядна схадзка Шветовей ради Русинох/Руснацох/Лемкох (ШР РРЛ), як и схадзка Конґресней комисиї за културу Шветового конґресу РРЛ.

Члени ШР, медзи нїма и Дюра Папуґа з Руского Керестура спред Рускей матки, буду розпатрац предкладанє вименкох и дополнєньох Статуту ШК РРЛ, а и Шветова рада би тот 2017. рок мала преглашиц за „Рок Адолфа Добрянския”, з нагоди 200-рочнїци народзеня того визначного русинского будителя.

На Конґресней комисиї за културу ШК буду принєшени критериюми за доставанє Награди ШР „Василь Турок Гетеш”, як и одлука о розписованю поволанки за предкладанє кандидатох за Награду за тот рок. У роботи Комисиї будзе участвовац и єй член спред Рускей матки Миломир Шайтош з Нового Саду.

ПОВЯЗАНИ ТЕКСТИ