Нєшка почина упис першокласнїкох за школски 2018/19. рок

автор ядю
942 Опатрене

СЕРБИЯ – Упис першокласнїкох за школски 2018/19. рок почина нєшка, 2. априла и будзе тирвац до 31. мая, а останє и можлївосц упису по конєц лєта.

На основи податкох о дзецох хтори ходза на обовязну пририхтуюцу предшколску програму, з хторима розполага Покраїнски секретарият за образованє, предписаня, управу и национални меншини – национални заєднїци, очекує ше же на териториї АП Войводини у школским 2018/19. року буду уписани 17 600 школяре, цо приблїжно исто як и того школского року.

До першей класи ше од нєшка уписує дзеци хтори 1. септембра 2018. року буду мац найменей шейсц и пол, а найвецей седем и пол роки, односно дзеци хтори народзени од 1. марца 2011. року по 28. фебруар 2012. року.

До першей класи ше можу уписац и дзеци хтори до 1. септембра наполня шейсц до шейсц и пол роки, з обовязним преверйованьом їх порихтаносци за школу, як и дзеци старши од седем и пол рокох хтори пре хороту лєбо други причини, нє були уписани до першей класи.

Школа длужна уписац кажде дзецко з подруча школи, а на вимогу родичох у складзе з просторнима и кадровскима можлївосцами и дзеци з подруча другей школи.

Тих дньох и министер просвити Младен Шарчевич здогаднул родичох же кара за нєуписованє дзецка до основней школи виноши 100 тисячи динари, а же ше роби на тим же би и штредня школа по закону була обовязна.

Як наводзи Покраїнски секретарият за образованє, предписаня, управу и национални меншини – национални заєднїци, шицки школи у Войводини порихтани за уписованє першокласнїкох.

ПОВЯЗАНИ ТЕКСТИ