НОВИ САД – У просторийох Завода за културу войводянских Руснацох (ВР) на 11 годзин будзе стретнуце представнїкох Дружтва за руски язик, литературу и културу зоз проф. др Вейлсом Браунийом зоз Корнел универзитету з Ню Йорку у Зєдинєних Америцких Державох, а потим и зоз директорку Заводу за културу ВР Анамарию Ранкович и другима заинтересованима.
Професор др Вейлс Брауни участвовал на Медзинародним конґресу славистох у Беоґрадзе, а заняти є на Корнел универзитету на департману за линґвистику. Рамики його виглєдованя славистика и линґвистика ґенерално, а найбаржей го интересує сербскогорватски язик.
Брауни писал и до Часопису за литературу, културу и уметносц „Шветлосц“ (ч. 3/2008), а остатню роботу у вязи зоз руским язиком обявел под назву „Порядок енклитикох у язику войводянских Руснацох”.