БЕРКАСОВО – Тирваю роботи на ґенералней обнови школского будинка Подручней школи Основней школи „Сримски фронт“ зоз Шиду у Беркасове
По словох Сладяни Любоєвич, директорки спомнутей школи, обновене закрице, пререзана влага, покладзени нови облаки и дзвери, заменєниелектро-инсталациї, а нове зогриванє будзе на пелет и так ше зашпорує енерґию.
Обнавя ше и Подручну школу у Моловину, а школяре почню нови школски рок у обновених и крашнє ушорених будинкох у тих двох валалох.