НОВИ САД – На конференциї за новинарох у Городскей хижи того тижня наявени априлски „Тидзень моди у Сербиї”, хтори у Новим Садзе будзе од 24. до 29. април.
Спрам словох орґанизатора, отверанє на пондзелок, 24. априла будзе велїчезне, бо по Змай Йововей улїци будзе дефиле вецей як 50 дизайнерох зоз 30 державох, дзе ше представи и Тияна Боґичевич, сербска предстванїца на „Евросонґу”, котру будзе провадзиц оркестер „2021” и бубняре под руководительством Драґолюба Дюричича.
Як гварела предсидателька Националней комори за моду Сербиї и „Serbia fashin week” Светлана Хорват, Змай Йовова улїца будзе найвекша модна писта у Европи, з 250 манекенами.
Член Городскей ради за привреду Милорад Радоєвич виявел же тота манифестация ма вельке туристичне значенє пре вельке число учашнїкох з иножемства и шветово познати мена.
„Serbia fashin week” буду провадзиц числени медиї з иножемства, а у часци програми у Мастер-центру на Новосадским сайме буду представени штерацец авторски колекциї. Цалосну програму манифестациї мож видзиц на сайту serbiafashionweek.com.