Осмеро на Покраїнску смотру рецитаторох

автор сен  фото маз
986 Опатрене

БАЧ – У Бачу 18. и 19. марца отримана Зонска смотра рецитаторох зоз Заходнобачкого и Южнобачкого округу, на хторей у трох возростох участвовали и 13-еро рецитаторе по руски, а осмеро ше пласовали на Покраїнску смотру.

У младшим возросту на Покраїнску смотру рецитаторох з писнями по руски ше пласовали Иван Молнар и Кристина Дюрянїн з Дюрдьова и Катарина Накич з Нового Саду; у штреднїм возросту Валентина Новта з Руского Керестура, Катарина Недич з Коцура и Валентина Салаґ з Дюрдьова, а у старшим возросту Мирослав Малацко и Павлина Шепински з Керестура.

На Зонскей смотри у Бачу ше змагали и Ема Живкович з Руского Керестура и Марина Барна з Дюрдьова, у штреднїм возросту Матей Шепински з Керестура и Валентина Михняк з Дюрдьова, а у старшим Марко Недич з Коцура.

Наших рецитаторох пририхтали Олена Живкович и Мая Зазуляк у Керестуре, Мария Самарджич и Яким Гарди у Дюрдьове, Весна Дринчич у Коцуре и Весна Кухар у Новим Садзе.

Рецитаторох оценьовали Миодраґ Петрович, Каталин Фазекаш, Ана Грчян Лесковац и Михайло Зазуляк.

Покраїнска смотра рецитаторох будзе отримама у Сечню од 21. по 23. април.

9-Recitatore-02

ПОВЯЗАНИ ТЕКСТИ