ДЮРДЬОВ – Того викенду Фодбалски клуб „Бачка 1923” зоз Дюрдьова одбавел предостатнє пририхтуюце змаганє за ярню часц першенственей сезони котра почина 10. марца у Новосадскей фодбалскей лиґи.
Всоботу, 24. фебруара, „Бачка 1923” дочекала ФК „Индекс” з Нового Саду и страцела 1:2. Ґол за Бачку дал Радин, нови бавяч у першим тиму котри ше указал як найефикаснєйши у потерашнїх пририхтуюцих змаганьох.
Шлїдуюце и остатнє приятельске змаганє ФК „Бачка 1923” одбави на нєдзелю, 4. марца, у Елемиру зоз ФК „ Нафтаґаз” котри у истим ранґу змаганя.
Перше змаганє у ярнєй часци першенства Фодбалски клуб „Бачка 1923” одбави 10. марца як госц у Баноштору процив ФК „Пролетер”, а викенд потим на домашнїм терену привита екипу ФК „Єдинство” з Ґосподїнцох.