ШИД – Вчера, 25. октобра, отримана 39. схадзка Општинскей ради (ОР) на хторей розпатрани питаня коло запровадзованя поступку комасациї у Катастерскей општини Морович, а утведзене и максималне число занятих у општини хтори ше финансую з буджету.
Драґан Ґутич, член ОР задлужени за приведу, после схадзки отримал конференцию за новинарох, алє нє прецизовал максималне число, бо як гварел, о тим ше ма вияшнїц Скупштина општини Шид.
По його словох, ОР принєсла одлуки за розписованє явних конкурсох за вибор директорох явних подприємствох хторим локална самоуправа снователь.
Принєшени и одлуки о предаваню єдного локала и ґаражи у власносци Општини у поступку явней набавки, а меновани и єден нови член Управного одбору Предшколскей установи „Єлица Станивукович Шиля”.