ВЕРБАС – Стреду, 5. децембра, у Вербаше отримана петнаста схадзка Скупштини општини на хторей прилапени План явного здравя за период од 2018. рок по 2025. рок, з Акцийним планом за запровадзованє, Одлука о снованю Совиту за безпечносц, Одлука о приступаню приношеня Статуту општини Вербас.
Тиж так, звит о оконченю Одлуки о буджету Општини Вербас за 2018. рок на дзень 30. септембер 2018. року, а на схадзки дотерашнї секретар локалного парламенту Данка Василєвич подзековала на функциї. За нового секретара вибрана Ивана Крезович.
Ґу тому, прилапене и предкладанє одлуки о вименкох и дополнєньох Одлуки о снованю Културного центру Вербас, предкладанє Одлуки о вименкох Одлуки о окончованю комуналней дїялносци, предкладанє ришеня о даваню согласносци на План роботи Општинского штабу за позарядово ситуациї општини Вербас за 2019. рок.
На концу схадзки прилапени и предкладаня Комисиї за кадрово, административни питаня и роботни одношеня, та так Скупштина општини меновала Рихарда Хенґла за о.д. директора Културного центру Вербас, а Марию Златович Арсениєвич за директора Туристичней орґанизациї општини Вербас. 