ЧЕРВИНКА – Вельконоцни мини-рукометни турнир отримани всоботу, 7. априла, у Червинки, а медзи 22-ма екипами з околних местох участвовала и рукометна секция Основней школи „Петро Кузмяк” зоз Руского Керестура.
Як дознаваме од тренера Славка Надя, керестурска екипа одбавела штири змаганя од хторих два победзели – екипу „Бачки Моноштор” зоз Бачкого Моноштору, и екипу „Унит” зоз Суботици, а два страцели зоз минималним резултатом од рукометашкох ЖРК „Лаки” и РК „Червинка”, обидва зоз Червинки.
Кажди учашнїк почасцени зоз сендвичом, соком, а на тот завод и зоз писанку хтори достали од орґанизатора ЖРК „Лаки” у сотруднїцтве зоз рукометнима союзами Войводини и Сербиї.
Од РС Сербиї кажда екипа учашнїк на мини-турниру достала по два рукометни лабди, а по лабду достали и преглашени найперспективнєйши и наймладши учашнїк Вельконоцного турниру.