Отримани перши тогорочни турнир

автор апал
805 Опатрене

НОВИ САД –У рамикох Спортских бавискох „Яша Баков”, внєдзелю, 25. фебруара, у Билияр клубу „Джокер” у Новим Садзе отримани перши трунир – турнир у билияру. Урядово з тим турниром почали двацецседми Спортски бависка „Яша Баков”.

На турниру участвовали седем екипи: з Миклошевцох (Република Горватска), СД „Русин” з Руского Керестура, ФК „Искра” з Коцура, „Папивинґ” д.о.о. з Вербасу, екипа КУД „Тарас Шевченко” з Дюрдьова и домашнї РКЦ зоз двома екипами.

Найлєпша була екипа КУД „Тарас Шевченко” з Дюрдьова хтора була побиднїк у шицких (шейсцох) змаганьох. Друга була екипа РКЦ з Нового Саду зоз штирима побидами и завжала друге место на турниру, а СД „Русин” зоз Руского Керестура, зоз трома побидами завжал треце место.

У другей половки таблїчки после законченого турнира штварте и пияте место дзеля вербаски „Папивинґ” д.о.о. и ФК „Искра” з Коцура. Шеста екипа з Миколшевцох, а седма друга екипа РКЦ зоз Нового Саду.

По законченю турнира, у просторийох РКЦ, найлєпшим додзелєни припознаня и дипломи. Предсидатель Скупштини здруженя Спортских бавискох „Яша Баков” Иван Папуґа повинчовал орґанизатором и учашнїком на турниру.

ПОВЯЗАНИ ТЕКСТИ