ВЕРБАС – На нєдзелю, 24. септембра, Здруженє спортских рибарох „Нови канал“ з Вербасу на Новим каналу орґанизує перше змаганє у лапаню чуки – „Чукияду”, як здогадованє на Мирослава Нярадия Нїцу, длугорочного рибара и спортисту з Вербасу.
Заинтересовани за змаганє ше можу приявиц Славкови Чернюшови на тел. 062/741-957, лєбо Николови на 061/37-97-133, а можу и на нєдзелю, од 6 до 7,30 г. присц до КПД „Карпати“, одкаль ше на 7,30 руши на Нови канал.
Котизация за участвованє 2 000 динари, а за найлєпших змагательох обезпечени награди.