КОЦУР – Перши дзень манифестациї „Коцурска жатва” закончени як и прешлих рокох, зоз журку за младих под назву „Тамбурованє, а того року було задумане на тему „Вечар леґинь, рано сеґинь”. Млади ше зишли, традийно у центру, на площи опрез Руского дома дзе бул импровизовани кафич, а у духу „Коцурскей жатви”
Тема тогорочноней журки котру орґанизовали млади КУД „Жатви” були стари руски присловки, а на „Тамбурованю”, окрем младих, було и кус старших Коцурцох, як и младих зоз Руского Керестура, Вербасу и других сушедних местох.
За веселу атмосферу на наисце нащивеней и веселей журки постарал же мишани оркестер составени з музичарох зоз Коцура, Нового Саду и Вербасу, а красна хвиля того року потримала друженє младих котре тирвало до ранших годзинох.
Вецей фотоґрафиї зоз тей манифестациї обявени на нашим сайту у фотоґалериї.