РУСКИ КЕРЕСТУР – Орґанизаторе другого Гуманитарного концерту „За нашо дзеци” вчера, 27. децембра, подзелєли крачунски пакецики 41-ому дзецку зоз 19 фамелийох з Руского Керестура.
На Концерту, отриманим 22. децембра, зоз уходнїцох и добродзечного прилогу назберане 58 700 динари.
З тих пенєжох до пакецикох накупени лакотки и направени бони у вредносци од 1 200 динари по особи за єдну предавальню у Руским Керестуре у хторей можу купиц тото цо им потребне.
Тиж так, НВУ „Руске слово” до каждого пакецика подаровала дзецински кнїжки, а креативка Тияна Бандич медовнїки.