ВЕРБАС – У Грекокатолїцкей церкви святого Владимира Велького у Новим Вербаше внєдзелю, 26. юлия, преславене храмове швето – Кирбай.
Архиєрейска Служба Божа почала на 11 годзин, а служел ю наш преосвящени владика кир Георгий Джуджар. Кирбайску Службу Божу сослужели числени священїки зоз вецей наших парохийох.
През казань ше присутни вирни здогадли велькосци святого Владимира и значносци котре тото швето ноши за нововербаску парохию. Владика Джуджар шицким парохияном повинчовал щешлїви и благословени Кирбай, а священїкох, як и шицких вирних котри пришли возвелїчац тото швето привитал и домашнї парох нововербаски о. Данил Задрепко.
По законченю Кирбайскей Служби Божей у парохиялней порти була порихтана закуска и ошвиженє за числених госцох котри з домашнїма преславели храмове швето нововербаскей парохиї.
