БЕОҐРАД – Републична виберанкова комисиї (РВК) вчера преглашела и штвартого кандидата за предсидателя Сербиї – Вука Єремича, котрого предложела Ґрупа гражданох „Мушиме лєпше”, а кандидатура потримана зоз 14 360 правно исправнима гласами, сообщене з РВК.
Єремич за тераз штварти преглашени кандидат за предсидателя Сербиї на виберанкох хтори буду 2. априла, бо пред нїм за кандидатох преглашени Александар Вучич, Саша Янкович и Воїслав Шешель.
За кандидатуру потребне назберац найменєй 10 000 подписи потримовки, придаванє кандидатури тирва до пол ноци внєдзелю, 12. марца, а з Явноновтарушкей комори сообщене же новтаруше и у дньох викенду буду оверйовац подписи потримовки гражданох за за кандидатох.
РВК того тижня сообщела и же гласанє за предсидателя Сербиї будзе на 8 253-ох виберацких местох.