РУСКИ КЕРЕСТУР – Школяре з Коцура, Шиду, Бикичу и Беркасова, котри у орґанизациї Одбору за образованє Националного совиту Руснацох вчера у Руским Керестуре патрели дзецинску представу на Драмским мемориялє Петра Ризнича Дядї, пред тим були госци у Основней школи „Петро Кузмяк”.
Госци цале дополаднє препровадзели у керестурскей Школи, дзе им домашнї пририхтали и кратшу програму, на хторей школяре нїзших класох рецитовали, а музични точки виведли школяре керестурского Оддзелєня ШОМО и дзецинска шпивацка ґрупа.
По програми, госцински школяре ше вєдно з домашнїма бавели у школским дворе, у Школи мали и полудзенок, а нащивели и Спортску галу.
На штварток, 23. марца, до Керестура до Школи и на Мемориял придзе и друга ґрупа школярох з наших местох дзе ше поряднє, лєбо виборно виучує руски язик, тиж у орґанизациї Одбору за образованє Националного совиту Руснацох.