Пре нєпогоду одложени три змаганя ОФЛ „Шид”

автор влдї
1k Опатрене

ШИД – У остатнїм, 11. колє єшеньскей часци першенства Општинскей фодбалскей лиґи „Шид”, три змаганя буду ознова бавени на соботу, 5. новембра, бо су внєдзелю пре хвильову нєпогоду, претаргнути.

Буду повторени змаганя „Обилич 1993” – „Ердевик 2017”, ОФК „Бинґула” – ОФК „Бачинци” и „Омладинєц” – „Гранїчар”.

У Беркасове „Сримец” страцел зоз 2:0 од „Єдноти” зоз Шиду, „Напредак” победзел на госцованю у Моровичу „Єдинство” зоз 3:0, а „Синдєлич” у Люби победзел „Єдинство” зоз 4:2.

На таблїчки „Напредак” перши зоз 29 бодами, ОФК „Бачинци” штварти зоз 19 бодами и одбавеним єдним менєй змаганьом, „Єднота” пията тиж зоз 19 бодами, а „Сримец” шести зоз 14 бодами.

У 11. колє Медзиопштинскей фодбалскей лиґи „Срим” фодбалере ОФК „Бикич” на госцованю у Руми победзели фодбалерох „Фрушкей Гори” зоз 3꞉1 и находза ше на таблїчки на 14. месце зоз осем бодами.

ПОВЯЗАНИ ТЕКСТИ